DUMAMI pa ang bilang ng mga pulis na nagpositibo sa COVID-19.
Batay sa datos ng Philippine National Police (PNP), nakapagtala ang PNP Health Service ng nasa 52 bagong kaso ng nakamamatay na virus sa kanilang hanay as of 6 p.m. nitong araw ng Sabado.
Nakapagtala din ang PNP ng 25 recoveries.
Sa kabuuan, nasa 9,269 police personnel ang nagpositibo sa nasabing virus.
Samantala, may kasalukuyang bilang na 512 active cases ang naitatala ng pulisya habang nananatiling 28 parin ang bilang ng mga nasawi. Ayon sa Department of Health (DOH), nasa 511,679 COVID-19 cases ang bansa kung saan 33,603 ang aktibo, 467,886 bilang ng mga naka-recover at 10,190 ang nasawi.