KINUMPIRMA ni Department of Labor and Employment (DOLE) Secretary Silvestre Bello III na kapatid niya ang isa sa naghain ng kandidatura sa pagka-senador noong panahon ng filing ng Certificate of Candidacy (COC) para sa mga tatakbo sa national position sa Halalan 2022.
Siya ay si Silvestre Bello Jr., na tumakbo sa nasabing posisyon sa ilalim ng PDP-Laban noong Oktubre 8, ang huling araw ng COC filing.
“Kapatid ko ‘yun, hindi ko naman sya mapigilan,” pahayag ni Bello sa online briefing nang tanungin kung kilala niya si Silvestre Bello Jr.
Nang tanungin din kung may posibilidad ang pagpapalit sinabi ng kalihim na may posibilidad. “Nandyan ang possibility, that’s a possibility, kasi depende nga talaga kung ano, what will be good for our country.” pahayag ng kalihim
Isa si Bello sa Kabinete ng Pangulong Rodrigo Duterte na inisyal na napiling tatakbo sa senatorial slate ng PDP-Laban Cusi Wing.