Kampo ni Deniece Cornejo, kinuwestiyon ang pananatili ni Vhong Navarro sa NBI

Share this information:

PINALILIPAT ng kampo ni Deniece Cornejo sa Taguig City Jail ang aktor na si Vhong Navarro mula sa National Bureau of Investigation (NBI) matapos itong kwestyunin ng kampo ng modelo.

Giit ni Atty. Ferdinand Topacio, abogado ni Cornejo na dapat idetine si Navarro sa Taguig City jail bilang pagsunod sa batas, makaraang masampahan siya ng kasong Rape at Acts of Lasciviousness sa korte.

Ang batas ang dapat sundin… At nakalagay sa batas, ang procedure diyan, ang taong naaresto para sa kaso na ito ay lilitisin sa lungsod ng Taguig, dapat nakapiit sa Taguig City jail. ‘Yan ang batas,” ani Topacio.

Binigyan din ni Topacio na puwede lang makulong sa NBI ay ang mga naaresto ‘in flagrante delicto’ o nahuli sa akto sa paggawa ng krimen at iniimbestigahan pa ng NBI.

Matatandaan na naglabas ang Taguig Regional Trial Court Branch 69 ng ikalawang warrant of arrest laban kay Navarro sa kasong rape — na walang piyansa.

Kinuwestiyon ito ng kampo ni Navarro dahil sa wala umano silang natanggap na commitment order mula sa korte at resolusyon na basehan nito.  Nangako sila na maghahain ng petisyon para makapagpiyansa ang aktor at pansamantalang makalaya.

Leave a Reply

This site uses Akismet to reduce spam. Learn how your comment data is processed.