INAASAHANG maghahain ng withdrawal of candidacy si Senator Christopher ” Bong” Go sa Comelec sa susunod na mga araw matapos itong umatras sa kanyang kandidatura para sa pagka-pangulo sa Halalan 2022.
Ayon kay Commission on Elections (Comelec ) spokesperson James Jimenez, si Sen. Go ay hindi entitled sa “substitution” kasunod ng biglaang pag-anunsyo nito ng “withdrawal” o pag-atras sa karera bilang pangulo.
Paliwanag ni Jimenez, ang ginawa ni Go ay isang “voluntary withdrawal,” na ang ibig sabihin ay “no substitution.”
Sarado naman ngayong araw ang Comelec Law Department dahil Bonifacio Day kaya wala itong awtoridad na tumanggap ng anumang filings.
“The Law Department currently has no authority to accept any filings, considering that today is a holiday,” ayon kay Jimenez.
Kailangan din na personal na maghain ng statement of withdrawal si Go sa Comelec.