PINAGBABARIL hanggang sa mapatay ng tinatayang anim na armadong lalaki ang isang umano’y “fixer” sa Land Transportation Office (LTO) sa Areza Compound, Barangay Canlalay, Binan City, Laguna kaninang hapon.
Tadtad ng tama ng bala ng baril ang biktimang si Nelson Areza, kapatid ng kilalang negosyanteng nagmamay-ari ng Hyundai Cars Store sa nabanggit na lungsod na si Cesar Areza.
Base sa kuha ng CCTV footages, bandang ala 1:50 ngayong hapon nang puntiryahin ang biktima ng tatlong suspek na sakay ng tatlong motorsiklo.
Pinagbabaril ang biktima sabay tumakas papalayo sa lugar.
Wala nang buhay nang maisugod si Areza sa Ospital ng Binan, ayon sa mga doktor.
Patuloy ang isinasagawang imbestigasyon ng pulisya sa naturang krimen.