PANSAMANTALANG nakalaya na mula sa pagkakakulong sa Cainta Police detention cell ang isang medical health worker na umanoy inaresto ng pulisya dahil sa paglabag nito sa health protocol.
Nakapag-piyansa si Doctor Jayson Paringa para sa kanyang mga kaso na isinampa ng Cainta Police gaya ng oral defamation, paglabag sa RA 151, alarm and scandal at ang hindi pagsunod sa itinatadhana ng Inter-Agency Task Force (IATF) guidelines o ang minimum health protocols.
Nabatid kay Rizal Police Provincial Office (RPPO) Director Col. Joseph Arguelles, hinuli si Doctor Paringa noong araw ng Martes, Abril 6, 2021 nang dumaan sa isang itinalagang Quarantine Control Point na naka pang suot na cyclist.
Hiningan umano siya ng Identification card at ipinakita naman ito sa mga nagbabantay na pulis.
Pero bago pa man maka-lagpas ng checkpoint ang doctor ay sinabihan muna siya ng mga pulis na hindi ito naka facemask at face shield na dahilan naman ng biglaang pagka-hysterical nito
Sa puntong iyon ay agad na inaresto ang doktor sa pangyayari.
Kaugnay nito ay biniberipika na rin ng Camp Crame ang ulat kung saan sinasabing naihalo si Doctor Paringa sa mga inmates na kasalukuyang may sintomas ng COVID-19.
Napag-alaman na si Doctor Paringa ay agad namang pinalaya matapos makapagpiyansa ito kinabukasan subalit hindi muna siya isinailaim sa medical checkup kung nagdadala na ito ng COVID-19 infections o wala.