KINUMPIRMA ng Department of Health (DOH) na may dalawa nang iniulat na namatay dahil sa Omicron variant.
Sinabi ng DOH na ang dalawang pasyente ay kapwa nasa edad 60, hindi bakunado at may iba pang iniindang sakit.
Sila ay mula sa National Capital Region (NCR) at Region III.
“There were 2 reported deaths among our Omicron cases. Both were detected during the latest whole genome sequencing. Both deaths were aged more than 60 years, unvaccinated, and had pre-existing medical conditions.” sabi ng DOH.
Karaniwan nagpapakita ang asymptomatic at mild disease ang Omicron ngunit ipinapakita sa datos na mga nakatatanda at may co-morbidities at unvaccinated ang nalalagay sa peligro.
“While Omicron mostly presents with asymptomatic and mild disease, our data shows that those most at risk for fatalities are still the elderly and those with co-morbidities and unvaccinated,” ayon pa sa DOH.
Sa kasalukuyan, mayroon nang 535 na Omicron variant case sa bansa kung saan sa huling genome sequencing nitong Enero 13-14 ay nasa 492 bagong Omicron variant ang natukoy ng Philippine Genome Center.