SINABI ng Department of Health (DOH) na umabot na sa kabuuang 6,612 ang bilang ng Delta variant sa bansa dahil sa karagdagang 630 kaso ng COVID-19 na may Delta variant.
Sa virtual media forum, sinabi ni DOH Spokesperson at Undersecretary Maria Rosario Vergeire na ang bagong 630 kaso ay mula sa 666 na mga sample na nakolekta noong Marso, Setyembre, Oktubre at Nobyembre.
Sa isinagawang sequencing sa mga sample na ito, isa lang ang nakitang nagpositibo sa Alpha variant.
“So we started this retrospective sampling, I think it started off last June when we started getting samples also from April and May dahil doon natin unang naitala, nakakita tayo at naka-detect ng Delta variant,” paliwanag ni Vergeire.