LAGUNA–Isang bangkay ng lalaki ang natagpuang patay magha-hatinggabi kagabi ng isang cargo truck driver sa Brgy. Mamplasan, Binan City, Laguna.
Ayon sa hepe ng Binan City Police Station na si Lt. Col .Vannie Martinez, maaaring itinapon lamang ang bangkay sa lugar.
Hanggang sa ngayon ay wala pa ring pagkakakilanlan ang nasabing biktima.
Nireport ng Brgy. Tanod na si Jonathan Insorio Altura sa pulisya ang natagpuang bangkay ng isang di na nagpakilalang cargo truck driver.
Ang biktima ay mga tama ng bala ng baril sa kanang bahagi ng katawan. Batay sa pangunang imbestigasyon ng pulisya, hinihinalang ang lalaking natagpuang patay ay biktima ng “summary execution.”
Nakasuot ito ng dilaw na polo shirt, maong na pantalon at facemask habang nakatali pa umano ang mga kamay nito.