Ang mga Navoteño ay mabibigyan na ng pagkakataon na makapag-aral ng mga kursong teknikal at bokasyonal ng libre.
Ito ay matapos pasinayaan ang Navotas Vocational Training and Assessment (NAVOTAAS) Institute bilang bagong Technical Education and Skills Development Authority (TESDA) satellite office at training center sa Caloocan, Malabon, Navotas and Valenzuela (CaMaNaVa) area.
Pinangunahan ni TESDA Director General Sec. Isidro Lapeña, kasama si Deputy Director General Lina Sarmiento, Regional Director Florencio Sunico Jr., District Director Rolando Dela Torre, NAVOTAAS Institute Head Kathryn Anne Hilario, at Vice Mayor Clint Geronimo ang ribbon cutting at unveiling ng marker.
“It may take a while for our economy to fully recover, but it is prudent to keep our people ready and equipped with new and multiple skills. Their education and training can boost their chances of landing jobs and other livelihood opportunities in the future,” ani Mayor Toby Tiangco.
“We look forward to our continued partnership with TESDA and the success of more Navoteños in the tech-voc field,” dagdag niya.
Ang TESDA-NAVOTAAS Training Center ay magpapabilis ng certification ng mga Overseas Filipino Workers na nakatakdang magtrabaho sa ibang bansa, kasabay ng pagbubukas din ng assessment center para sa Domestic Work NC II.
Ito ang unang assessment center para sa Domestic Work NC II sa National Capital Region.
Ang training center ay nag-aalok ng karagdagang tech-voc courses sa 2D Animation, Advanced Microsoft Excel Training, Computer System Servicing, Cyber Security, Driving, and Solar Powered Lighting at Mobile Phone Charging Kit Training.
Noong nakaraang taon, ang Navotas at TESDA ay lumagda ng isang memorandum of agreement na nagbibigay ng karapatan sa TESDA upang gamitin ang ikalawa, ikatlo at ikaapat na palapag ng NAVOTAAS Institute-Main sa loob ng limang taon.