Hindi maaaring mag-apply para makakuha ng national ID sa mga opisina ng Commission on Elections (Comelec).
Ito ang paglilinaw ng Comelec dahil hindi umano nag-iisyu ng aplikasyon ang mga field offices para sa national ID.
Ayon pa sa Comelec, limitado lamang ang espasyo sa mga opisina ng Comelec at hindi nito masusunod ang physical distancing.
Samantala, ang voter registration ay nagpapatuloy naman sa mga lugar na nasa ilalim ng general community quarantine o GCQ at modified general community quarantine MGCQ.
Nananatili namang suspendido ang voter registration sa mga lugar na nasa ilalim ng modified enhanced community quarantine (MECQ).