HINDI muna itutuloy ng Maynilad Water Services, Inc. ang pagtataas ng singil nito sa susunod na taon sa harap ng nararanasang pandemya na dulot ng COVID-19.
Sa darating na Enero ay mayruon sanang water rate hike ang Maynilad partikular na ang rebasing adjustment na inaprubahan nuong 2018 at ang mandatong tinatawag na consumer price index o CPI inflation increase para sa taong 2021.
Sa ipinalabas na anunsyo ng Maynilad, ang suspensyon ng rate hike ay bilang pakikiisa sa gobyerno sa paghahanap ng mga paraan upang mabawasan ang kahirapang dulot ng health crisis.
“During these difficult times when no one is spared the economic impact of the COVID-19 pandemic, Maynilad is one with the government in finding ways to help our countrymen make the situation more manageable,” ayon sa Maynilad.
“In this regard, Maynilad is forgoing the rate increases it is qualified to implement in the coming year—specifically the already-approved rebasing adjustment for 2021, as well as the mandated CPI (consumer price index) inflation increase for the year,” batay pa sa anunsyo nito.
Partikular na siniserbisyuhan ng Maynilad ang mga lungsod ng Caloocan, Las Piñas, Makati, Malabon, Manila, Muntinlupa, Navotas, Parañaque, Pasay, Quezon, at Valenzuela.
Gayundin ang ilang bahagi ng Cavite tulad ng Bacoor, Cavite, at Imus; at mga bayan ng Kawit, Noveleta, at Rosario.