NAGPAALALA kamakailan ang Philippine Overseas Employment Administration (POEA) sa mga Pilipino na maging maingat sa paggamit ng “dating apps.”
Sinabi ng ahensiya sa isang pahayag na ang “dating apps” ay hindi na ginagamit lang para makipag-kaibigan at makahanap ng karelasyon kundi ginagamit na din ng mga illegal recruiters.
Ayon sa POEA “The scammers use fictitious cyber identity or catfishing to contact potential victims in dating apps who have a common interest or mutual connections. Once the scammers established an affinity with the victims, they would send an offer of migration, including promises of overseas jobs,“
Bago isagawa ang panloloko, kukunin muna ang tiwala at loob ng bibiktimahin at pagkatapos ay aalukin ng trabaho sa ibang bansa.
Bibigyan din nila ang biktima ng pekeng kontrata, company profile at visa upang hindi magtaka o magduda ang biktima.
“The POEA advises job seekers to be cautious and ignore job offers from dating apps and refrain from paying any amount of money to their supposed ‘online romantic partners’ for overseas employment,”
Dagdag pa ng ahensiya sa mga Pilipino na laging maging mapanuri at huwag magpapaloko.
(PHOTO CREDIT: POEA Facebook page)