NAITALA ang magnitude 5 na lindol ang bayan ng Pio V. Corpuz, Masbate dakong alas-2:35 ng Linggo ng hapon.
Ayon sa Philippine Institute of Volcanology and Seismology (Phivolcs), may lalim na 18 kilometro ang pagyanig na tectonic ang pinagmulan.
Naramdaman ang Intensity IV sa Pio V. Corpuz at Cataingan, Masbate; Almagro at Tagapul-an, Samar; Naval, Maripipi, Kawayan, Almeria, Biliran; Calubian, Leyte; at Medellin, Cebu.
Naitala naman ang Intensity III sa Villaba at Tabango, Leyte; Calbayog City at Catbalogan City, Samar habang Intensity II sa Tacloban City; Palo, Carigara at Jaro, Leyte; Irosin, Sorsogon at Intensity I sa Liloan, Cebu; Mandaue City; Cebu City; Lapu-Lapu City
Batay naman sa instrumento ng Phivolcs, naitala ang Intensity IV sa Naval, Biliran; Intensity III sa Catbalogan City; Intensity II sa Ormoc City; at Intensity I sa Talibon, Bohol; Lapu-lapu City; Bago City
Walang inaasahan ang Phivolcs na pinsala at posible ang aftershocks dahil sa lindol.