KASALUKUYAN nang sumasailalim sa self-isolation si Philippine Drug Enforcement Agency (PDEA) Director Wilkins Villanueva makaraang matukoy na positibo sa coronavirus disease 2019 (COVID-19).
Sa kanyang Facebook post, sinabi ni Villanueva na sumalang ito sa RT-PCR test sa Chinese General Hospital kahapon bilang requirement sa kanyang pagdalo sa pagdinig ng Senado bukas.
Gayunman, nakumpirma nito na nagpositibo siya matapos na ilabas ang resulta ngayong umaga.
“As I was preparing for the Senate Inquiry on Monday, I took my RT-PCR at the Chinese General Hospital yesterday as part of the requirement. This morning I received the result. I TESTED POSITIVE,” ani Villanueva.
“I’m sorry to all the people that I had close contact for the past days. Please take necessary precaution,” dagdag nito.
Humihingi naman ng panalangin si Villanueva para sa lahat ng mga nagpositibo sa COVID-19.