Umabot sa P1.2 million na halaga ng ari-arian ang naabo sa isang naganap na sunog Linggo ng umaga sa Brgy. Panilao, Pilar, Bataan.
Ayon sa Bureau of Fire Protection o BFP, nagsimula ang sunog sa bahay ng pamilya Paguio ganap na alas sais ng umaga at naapula ganap na alas 7:30 ng umaga.
Walang naiulat na nasaktan sa nabanggit na sunog habang patuloy pa ang imbestigasyon ng BFP sa sanhi o pinagmulan nito.