PUMALO na ngayon sa 11,015 na mga tauhan ng Philippine National Police (PNP) na tinamaan ng coronavirus disease 2019 (COVID-19).
Ito ay makaraang madagdagan kahapon ng panibagong 22 kaso ng virus infection sa pambansang pulisya.
Aabot naman sa 25 PNP personnel ang gumaling sa sakit kaya’t nasa 10,562 na ang total recoveries habang 31 pa rin ang bilang ng mga nasawi sa COVID-19.
Nasa 422 pa ang aktibong kaso ng COVID-19 sa puwersa ng PNP.