MULING pinahaba ng Metro Manila Council (MMC) ang pinaiiral na curfew sa National Capital Region (NCR) sa gitna ng banta ng Delta variant ng COVID-19 at muling pagtaas ng mga kaso ng virus infection.
Simula sa Hulyo 25 ay ipatutupad na ang curfew ng alas-10 ng gabi hanggang alas-4 ng madaling araw. Mula ito sa kasalukuyang alas-12 ng hatinggabi hanggang alas-4 ng madaling araw.
Ayon kay Metro Manila Development Authority (MMDA) chairman Benhur Abalos, nais ng mga alkalde sa NCR na makontrol ang hawaan ng virus lalo na’t ang Delta variant ay tukoy na mabilis na makapagpakalat ng sakit.
“The COVID-19 Delta Variant is highly contagious with an R Naught (R0), a measure of contagion or reproduction rate, of 5 to 8 that may potentially trigger an exponential surge and local transmission in densely populated areas like the NCR,” ayon kay Abalos.
Nauna rito ay ibinalik ng Inter-Agency Task Force, sa pag-apruba na rin ni Pangulong Rodrigo Duterte ang NCR sa general community quarantine “with heightened restrictions” hanggang sa Hulyo 31.