MAGBABAWAS ng sampu hanggang labing-limang sentimo kada litro sa mga produktong petrolyo ang ilang kumpanya ng langis simula bukas.
Sa abisong ipinalabas ng Pilipinas Shell Petroleum Corp. at Seaoil Philippines Inc., labing-limang sentimo kada litro ang tapyas sa kanilang gasolina, sampung sentimo sa kada litro ng diesel at sampung sentimo sa kada litro ng kerosene.
Ang Cleanfuel at Petro Gazz ay magpapatupad ng katulad na paggalaw sa presyo ng langis at diesel pero walang pagbabago sa halaga ng kanilang kerosene.
Epektibo bukas ng alas-sais ng umaga ang rolbak ng Shell, Seaoil at Petro Gazz habang ang Cleanfuel ay alas-otso uno ng umaga ang implementasyon ng bawas-presyo.