Ika-76 na taon ng “Battle of Manila,” inalala

Share this information:

Bilang bahagi ng  pag-alala sa ika-76 taong anibersaryo ng makasaysayang “Battle of Manila,”  inihalintulad naman ni Manila Mayor Isko Moreno Domagoso ang kabayanihang ginagawa ng mga frontline health workers  ngayong panahon ng pandemya dulot ng COVID-19 sa bansa.

Aniya, tulad ng tropang Amerikano at  Filipino noon na nakipaglaban sa tropa ng mga Hapon  at nagbuwis ng kanilang buhay, maihahalintulad ang kabayanihan ito sa kabayanihan ng mga health worker ngayong may kinakaharap na suliranin.

“They are no different from the heroes of the past. They have done so much sacrifice for the sake of our country,” dagdag pa ng alkalde

Giit ni Domagogo, walang katumbas na pasasalamat ang kanilang maihahandog lalo na sa mga medical frontliners na nagbuwis ng kanilang buhay magampanan lamang ang kanilang tungkulin sa panahon ng pandemya.

“The City of Manila and every Batang Manileño will always be proud of you. We may be not be threatened by a war against nations, but the battle that we have at present is a battle for survival against a dreaded virus,” ani Domagoso.

Una nang nagsagawa ng “wreath-laying ceremony” sa pangunguna ni Domagoso at Vice Mayor Maria Sheilah “Honey” Lacuna-Pangan sa White Cross, Fort Santiago sa Intramuros bilang pag-alala sa makasaysayang digmaan.

Kasama din nina Domagoso at Lacuna ang mga foreign envoys gayundin ang ilang opisyal ng Philippine Navy.

Matapos nito ay pinasinayaan din nina Domagoso sa Rodriguez Hall ng Manila City Hall ang mga “artifacts” na ipinahiram ng Philippine Navy sa pamahalaang lungsod na ginamit noong panahon ng digmaan upang maipakita sa publiko, partikular sa mga Manilenyo, ang mga ito bilang bahagi na din ng paggunita sa naganap na makasaysayang digmaan sa Maynila. 

Leave a Reply

This site uses Akismet to reduce spam. Learn how your comment data is processed.

Next Post

Lagda na lang ni PRRD: CREATE Act, isasabatas na

Wed Feb 3 , 2021
LAGDA na lamang ni Pangulong Rodrigo Duterte ang kulang at ganap ng magiging batas ang Corporate Recovery and Tax Incentives for Enterprises o ang CREAT act. Ito ay matapos na tuluyang maratipikahan sa mababang kapulungan ng kongreso ang ‘reconciled version’ ng Create act kahapon. Bago ito, inaprubahan ng bicameral conference […]

Follow Us

%d bloggers like this: