KUMPIYANSA ang Department of Health (DOH) na maaabot ang target nitong makapagbakuna ng 120,000 na indibidwal kada araw.
Ayon kay Health Usec Maria Rosario Vergeire, ito ay dahil tumataas na ang dumarating na suplay ng bakuna sa bansa.
Aniya, ang itinatakbo ng pagbabakuna ng bansa ay base na rin sa pagdating ng supply ng bakuna sa Pilipinas.
Base sa datos ng DOH nitong May 11, 2021 nasa 66,000 ang nababakunahan kada araw habang sa pinaka huling report naman aniya ni Vaccine Czar Carlito Galvez kay Pangulong Duterte kagabi ay pumalo na ito sa 83 libo kada araw.
Kaya naman naniniwala ito na maaabot ang target na numero ng mababakunahan kada araw dahil marami nang bakuna na dumating sa bansa.