TODAS ang isang dating pulis makaraang tambangan at pagbabarilin ng hindi kilalang lalaki habang lulan ng kanyang motorsiklo sa Tondo, Maynila Huwebes ng umaga.
Batay sa paunang ulat ng Manila Police District (MPD), natukoy ang biktima na si dating Police Sergeant Dranreb Cipriano, 47-anyos, residente sa lugar.
Ayon sa ilang saksi, lulan si Cripiano ng kanyang itim na motorsiklo ngunit pagsapit nito sa Vitas kanto ng Bonifacio St., ay hinarang siya ng suspek at agad na pinagbabaril sa iba’t-ibang bahagi ng katawan.
Mabilis na tumakas ang suspek patungo sa direksiyon ng Ugbo St. at nang rumesponde ang mga awtoridad ay nadatnan na ang biktima na duguan na at nakahandusay sa kalsada.
Nakuha naman mula sa biktima ang isang kalibre .45 na baril.
Nagpapatuloy na ang pagsisiyasat ng pulisya sa mga nasa likod at ang motibo ng krimen.