INILUNSAD ng Metro Pacific Tollways Corporation (MPTC) ang network expressways “Biyaheng Arangkada” bilang pag-aalalay sa mga motorista ngayong Semana Santa sa bansa mula sa Marso 27 hanggang Abril 6, 2026.
Sakop nito ang North Luzon Expressway (NLEX), Subic-Clark-Tarlac Expressway (SCTEX), NLEX Connector, CAVITEX, Cavite-Laguna CALAX, at Cebu-Cordova Link Expressway (CCLEX) sa Cebu.
Batay sa MPTC ang inisyatibo na ipinatutupad din sa SCTEX at CAVITEX ay sa pakikipagtulungan ng Bases Conversion Development Authority (BCDA) at ng Philippine Reclamation Authority (PRA) sa pamamagitan ng PEA Tollway Corporation.
Bilang bahagi ng programa, pinalawak ng MPTC ang pag-deploy ng mga tauhan sa buong network nito upang matiyak ang mahusay na pamamahala ng trapiko, mabilis na pagtugon sa mga insidente, at maayos na mga transaksyon sa toll sa panahon ng paglalakbay tuwing Semana Santa.
Ang inisyatibo ng “Biyaheng Arangkada” ay sumasalamin sa pangako ng MPTC na
tiyakin ang isang ligtas na paglalakbay sa Semana Santa para sa mga motorista at mga nagko-commute, na nagbibigay-daan sa mga manlalakbay na ligtas na makipag-ugnayan muli sa kanilang mga pamilya sa panahon ng pagninilay-nilay.
Kabilang sa mga tulong sa motorista ang mga istasyon ng tulong sa kalsada na estratehikong matatagpuan ang mga medical team na naka-standby sa mga piling hintuan;
Pagkakaroon ng mga EV charging station at libreng wifi sa mga piling NLEX at SCTEX Rest and Refuel Station; Libreng 24/7 na pangunahing serbisyo sa mekanikal sa lahat ng NLEX at SCTEX Rest and Refuel Station; Libreng paghila sa pinakamalapit na exit para sa Class 1 (at Class 1M para sa CCLEX) mula Marso 27, 6:00 ng umaga hanggang alas 6:00 ng umaga ng Abril 6.
Mayroon din 24/7 na suporta sa customer service sa pamamagitan ng hotline (1-35000) at ang MPT DriveHub app.
Sa panahong ito, walang road repairs, lane closures at maintainance activities upang maayos ang daloy ng trapiko gayundin ang nakaantabay na traffic teams upang isaaktibo ang mga counterflow scheme kapag kinakailangan.