NIYANIG ng magnitude 5.1 na lindol ang bayan ng Sablayan, Occidental Mindoro, ayon sa Philippine Institute of Volcanology and Seismology (Phivolcs).
Sinabi ng ahensiya na naitala ang pagyanig sa lalim na 15-kilometro dakong alas-12:08 ng tanghali. Tectonic ang pinagmulan ng lindol na inaasahan ng Phivolcs na magdudulot ng pinsala at aftershocks.
Naitala ang Intensity IV sa Sablayan at Rizal sa Occidental Mindoro; Intensity III sa Abra De Ilog, Santa Cruz at Calintaan sa Occidental Mindoro; Calapan City at Bansud sa Oriental Mindoro; Intensity II sa Makati City; Batangas City; Baco, Oriental Mindoro at Intensity I sa Puerto Galera, Oriental Mindoro; at Tingloy, Batangas.
Kung pagbabatayan ang instrumental intensities, naitala ang Intensity IV sa Calapan City, Oriental Mindoro; Intensity III sa Puerto Galera, Oriental Mindoro; Intensity II sa Roxas, Oriental Mindoro; San Jose, Occidental Mindoro; Batangas City at Intensity I sa Tagaytay City, Cavite; Mulanay, Mauban, Gumaca at Dolores, Quezon, paliwanag ng Phivolcs.