Sumirit na sa kabuuang 540,227 ang bilang ng tinatamaan ng Corona virus disease (COVID-19) matapos makapagtala pa ng 1,235 na bagong mga kaso ngayong araw.
Sa COVID-19 update ng Department of Health (DOH), nasa 53 na ang recoveries kaya umabot na sa 499,764 ang mga gumagaling sa sakit.
Nasa 65 naman ang bagong nadagdag sa bilang ng mga pumanaw kaya’t umakyat na sa 11,296 ang kabuuang bilang ng mga namamatay sa sakit.
Kasalukuyan namang ginagamot sa mga pasilidad ang 29,167 na mga aktibong kaso.
Sa papalapit na pagdating ng bakuna kontra COVID-19 sa bansa, paalala ng DOH na paigtingin pa ang pagsunod sa minimum public health standards upang makaiwas sa hawahan lalo pa sa bagong variant ng COVID-19.