NAGPAALALA ang World Health Organization o WHO sa mga bansang bumababa ang kaso ng COVID-19 na manatiling alerto o vigilant.
Ayon kay Maria Van Kerkhove, ang technical lead for COVID-19 ng WHO, walang magnanais sa sitwasyon na matapos na alisin ang lockdown at naibababa na ang kaso ng virus infection ay muling magpapatupad ng lockdown dahil sa pagsipa na naman ng COVID-19 cases.
Diin ni Kerkhove, nasa kapangyarihan at kakayahan ng bawat bansa na mapanatiling mababa ang transmission rate ng COVID-19.
May mga bansa na aniya ang naipakita sa buong mundo na kayang maibaba o makontrol ang pagdami ng virus infections at manapatili itong kontrolado.