MAKAKATULONG sa kawanihan ang pagtatayo ng 13 regional facilities ng Bureau of Corrections (BuCor) at dalawang (2) karagdagang pasilidad para sa mga heinous crimes sa layuning maiayon sa international standard na nagtataguyod ng mas makataong pamamaraan.
Ayon kay BuCor Director General Gregorio Pio P. Catapang Jr. na alinsunod ito sa probisyon ng Republic Act 10575 na may mandato at Republic Act 11928.
Sa ginawa na presentasyon ni Engr. Al Cir Juan R. Rañosa, Bucor Acting Director, Directorate for Engineering Services, sa 2nd Jail Decongestion Summit na ginanap kamakailan sa Manila Hotel, binanggit na nasa 5 lamang ang regional facilities mula sa 18 rehiyon sa buong bansa.
Matatagpuan ang mga kasalukuyang pasilidad sa National Capital Region (NCR)Region IV-B (MIMAROPA)Region VIII (Eastern Visayas)Region IX (Zamboanga Peninsula)Region XI (Davao Region).
Nakita na may pangangailangan sa Cordillera Administrative Region , Region I (Ilocos Region), Region II (Cagayan Valley), Region III (Central Luzon), Region IV-A (CALABARZON), Region V (Bicol Region), Region VI (Western Visayas), Region VII (Central Visayas), Negros Island Region (NIR), Region X (Northern Mindanao), Region XII (SOCCKSARGEN), Region XIII (CARAGA Region), at sa Bangsamoro Autonomous Region in Muslim Mindanao (BARMM).
Dagdag pa ni Catapang na nasimulan na ang pagtatayo ng Super Maximum Facility (SMF) sa Sablayan, Occidental Mindoro, na para sa Luzon area at wala pa sa Visayas at Mindanao.
“The time to act is now; for a just and rehabilitative correctional system to thrive, proactive measures must be taken to bridge the existing gaps,” ani Catapang.