NADAGDAGAN pa ng 88 ang mga pulis na tinamaan ng coronavirus disease 2019 (COVID-19).
Sa huling tala ng Philippine National Police (PNP) ngayong Marso 9, umaabot na sa 11,830 ang mga tauhan nitong nagpositibo sa virus infection.
Sa nasabing bilang, 633 ang aktibong kaso o patuloy pang nagpapagaling sa sakit.
Samantala, aabot naman sa 11, 165 ang mga pulis na naka-recover o gumaling na sa COVID-19.
Walang nadagdag sa bilang ng mga namatay sa COVID-19 na nananatili pa rin sa 32.