PINASINAYAAN kamakailan ang mga bagong gawang gusali sa Bataan General Hospital and Medical Center (BGHMC).
Kabilang sa mga bagong itinayong pasilidad at kagamitan ang isang 5-storey Medical Ward at ICU Building, isang 5-storey Multi-Specialty Building kung saan matatagpuan ang Outpatient Department (OPD), Laboratory, at Administrative Offices, isang 3-storey Emergency Room Complex at Toxicology Building, at isang bagong naka-install at lisensyadong Magnetic Resonance Imaging (MRI) machine.
Ang pagpapasinaya ay pinangunahan mismo ni Department of Health (DOH) Officer-in-Charge Dr. Maria Rosario Singh-Vergeire, kasama sina DOH Undersecretary Enrique Tayag, Assistant Secretary Leonita Gorgolon, at DOH Center for Health Development Central Luzon Regional Director Corazon Flores.
Kasama ng nasabing mga opisyal ng DOH sina BGHMC Medical Center Chief Dr. Glory Baltazar, Bataan Governor Jose Enrique Garcia III, Balanga City Mayor Francis Anthony Garcia, Bataan 2nd District Rep. Albert Raymond Garcia, Bataan 3rd District Rep. Maria Angela Garcia at iba pang mga lokal na opisyal.