GINAWARAN si Bureau of Corrections (BuCor) Director Gregorio Pio Catapang Jr. ng “Modern Hero of Integrity and Service Award” sa Asia’s Golden Icon Awards, isang pagkilala na nagtatampok sa kanyang natatanging kontribusyon sa bansa.
Nitong nakalipas na Biyernes ng gabi (Setyembre 6 ) ginanap ang awarding ceremony sa Okada Manila Hotel sa Pasay City.
Ang parangal na ito kay Catapang ay kasunod ng masusing pagsusuri ng isang kilalang Lupong Tagapagpaganap na binubuo ni Dr. Sergio Ortiz-Luis, Jr.; Consul Enunina Mangio, Presidente, Philippine Chamber of Commerce and Industry (PCCI), Director General Tereso Panga, DG ng Philippine Economic Zone Authority (PEZA), at dating aktres na si Marissa Del Mar.
Ang kanilang nagkakaisang paniniwala sa mga nagawa ni Catapang ay binibigyang-diin ang makabuluhang epekto ng kanyang trabaho sa Bureau of Corrections, na nagpapakita ng pangako sa modernong kabayanihan na nagbibigay inspirasyon sa iba na magsikap para sa kahusayan.
Inialay ni Catapang ang kanyang natanggap na parangal, sa masisipag na kalalakihan at kababaihan ng Bucor dahil ito ay nagsilbing pagkilala na ang kanilang pang-araw-araw na pagpapagal, kadalasang hindi napapansin, ay gumaganap ng kritikal na papel sa paghubog ng buhay at pagbuo ng isang mas ligtas at mas pantay na lipunan at para sa mga taong pinagkaitan ng kalayaan.