INIHAYAG ng Philippine National Police (PNP) nitong Linggo na si Police Col. Romell Allaga Velasco ay ang bagong PNP Provincial Director ng Bataan Police Provincial Office (BPPO) kasunod ng kanyang pagkakatalaga noong Sabado ng pamunuan ng PNP.
Si Col. Velasco ay tubong Nueva Ecija.
Pinalitan naman ni Velasco si Police Col. Joel Tampis, na inilipat sa Camp Olivas sa San Fernando, Pampanga at headquarters ng PNP Region Office 3 (PRO3) sa Central Luzon.
Bago ang kanyang pagkatalaga sa Bataan PPO, si Velasco ay naging hepe rin ng Police Community Relations sa PNP Police Regional Office 3.
Si Col. Velasco ay hindi na bago sa Bataan dahil dati na siyang nakatalaga sa Camp Tolentino, Bataan PNP headquarters, at nagsilbi na ng ilang taon bilang deputy provincial director, mobile force commander at naging chief of police din ng iba’t ibang bayan sa Bataan.