PORMAL nang nanumpa bilang officer in charge (OIC) ng National Bureau of Investigation (NBI) si Atty. Angelito Magno na kapalit ng nagbitiw na si NBI Director Jaime Santiago.
Pinangunahan ni Santiago ang turn over ceremony sa tanggapan ng NBI matapos ang flag raising ceremony kung saan ipinasa na ni Santiago kay Magno ang pamumuno sa ahensiya.
Si Magno ay isang career officer bilang imbestigador sa loob ng higit sa 33 taon at naging hepe ng Special Action Unit at naging Regional Director sa Regions III, I, IV-A, at X, kung saan pinangasiwaan nito ang malawak ng jurisdiction sa Luzon, Visayas at Mindanao.
Sa kanyang pamumuno nakamit din nito ang malaking accomplishment sa pagkakasabat ng P3.8 billion halaga ng illegal na droga sa Pampanga at marami pang iba.
Si Magno ay namuno rin bilang hepe ng NBI sa Ninoy Aquino International Airport (NAIA) at siniguro nito kay Santiago na ipagpapatuloy niya ang nasimulan nito sa pamamagitan ng maayos at tapat na pamamahala sa ahensiya para sa bayan.