PINALAYA ngayong araw, Enero 30, 2025 ang nasa 525 na Persons Deprived of Liberty (PDLs) ng Bureau of Corrections (BuCor) kabilang ang 50 na preso na dumalo sa culminating activity sa Groto of Our Lady of Rosary sa loob ng New Bilibid Prison (NBP) Reservation sa Muntinlupa City Kahapon.
Umabot na sa kabuuang 18,947 PDLs ang pinalaya sa ilalim ng administrasyong Marcos.
Mula sa Correctional Institution for Women (CIW) dalawangpu’t pito sa Mandaluyong City, isa sa CIW Iwahig Prison and Penal Farm , walo sa CIW Mindanao, 71 sa Davao Prison and Penal Farm, 52 sa Iwahig Prison and Penal Farm, 27 sa Leyte Regional Prison, 73 mula sa NBP Maximum Security Camp, 82 sa NBP Medium Security Camp, 81 sa NBP Minimum Security Camp, tatlo sa NBP Reception and Diagnostic Center, 66 buhat sa Sablayan Prison and Penal Farm, at 34 naman sa San Ramon Prison and Penal Farm.
Ayon kay BuCor Director General Gregorio Pio P. Catapang Jr. ang mga rason ng paglaya ay dahil natapos na ang sentensiya para sa 412 na indibiduwal, 68 ang naabswelto, tig-1 sa bail bond at expiration of sentence after commutation, apat ang nabigyan ng probation, lima sa habeas corpus, 32 ang napagkalooban ng parole, at dalawa ang itinur-over sa jail (may ibang nakabinbin na kaso).
Mahalaga naman ang presensiya sa aktibidad nina Presidential Adviser on Muslim Affairs, Secretary Tillah, Al Haj, Justice Undersecretary Deo Marco na kumatawan kina Secretary Crispin “Boying” Remulla, mga kinatawan mula sa Public Attorney’s Office, Asec. Francis John Tejano, USEC. Sergio Calizo, Jr., Chairperson, Board of Pardons and Parole, DOLE-NCR Director Leonides P. Castillote, Jr.