BUKOD sa Manila Police Station 11 (PS-11), may apat pang istasyon ng pulisya ng Manila Police District (MPD) ang nakapagtala ng mga kaso ng coronavirus disease 2019 (COVID-19).
Kinumpirma ito MPD Director Police Brig. General Leo Francisco na may tig-iisang pulis na rin na nagpositibo sa COVID-19 sa apat pang istasyon ng MPD.
Gayunman, tumanggi na muna si Francisco na tukuyin kung alin-aling presinto nila ang nakapagtala ng mga kaso ng impeksiyon.
Tiniyak rin ni Francisco na naka-quarantine na ang mga pulis at nakapagsagawa na rin sila ng contact tracing sa mga taong nakasalamuha ng mga ito.
“Meron yung ibang apat na station pero tig-iisa lang, pero nasa quarantine na sila,” ayon kay Francisco.
Matatandaang una nang isinailalim sa tatlong araw na lockdown ang MPD-PS 11 para sa disinfection matapos na may 46 pulis nito ang magpositibo sa virus MPD police stations pa, nakapagtala na rin ng COVID-19 cases.